Мақолалар

Аёл киши телевидениеда журналист бўлиши, кўрсатувлар олиб бориши мумкинми?!

• 

Подробности

Бўлим: Фатволар

Чиққан санаси: 24 Сентябрь 2021

(Нашр қилинган санаси)

 

Савол: Ассалому алайкум! Мен — журналистман. Аёл киши телевидениеда журналист бўлиши, кўрсатувлар олиб бориши мумкинми?!

Ва алайкум ассалом ва рахматуллоҳу ва барокатуҳ! Бисмиллаҳир роҳмаанир роҳийм. Бизга билдирган ишончингиз учун миннатдорлик билдирамиз. Биз Аллоҳ таолодан қалбларимизни ҳақиқат учун ёритишни, бизга бу дунёда ва қиёматда марҳамат қилишини сўраймиз. Омин.
Аёллар эркакларнинг шеригидир. Исломнинг эркакларга қаратилган ҳар бир амри ёки тақиқлари аёлларга ҳам қаратилган. Ислом қонунлари одамларни жинс бўйича ажратмайди. Эркакларга ҳам, аёлларга ҳам ишлаш ва тирикчилик учун пул топишга рухсат этилган. Аллоҳ таоло Қуръони каримда айтадики: „ Робблари уларга: «Мен сизлардан эркагу аёл амал қилувчининг амалини зое қилмасман»....“ (Оли Имрон, 195).   Шундай қилиб, эркаклар ва аёлларга ишлашга рухсат берилади. Бироқ, бу борада асосий масъулият эркаклар зиммасига юкланади, чунки улар оиланинг боқувчиси. Аммо, агар керак бўлса, аёлларга уйдан ташқарида ишлашга рухсат берилади. Аммо, шу билан бирга, мусулмон аёл ўз дини ва обрўсига путур этказадиган ҳар қандай нарсадан қочиши керак. Журналистикада ишлаш ҳақида гап кетганда, эҳтимол, мусулмон аёл турли одамлар билан аралаш учрашувларда қатнашиши мумкин, айниқса у мухбир бўлиб ишласа, менимча, мусулмон аёл бу соҳада ишламагани яхшироқдир. Бу нуқтаи назар ислом ҳуқуқшунослигида «сад ад дҳара» деб номланувчи нарсага, яъни гуноҳга олиб келиши мумкин бўлган ҳамма нарсанинг олдини олишга асосланган. Бироқ, телебошловчи сифатида ишлашнинг ҳеч қандай ёмон жойи йўқ - агар аёл либосда исломий меъёрларга риоя қилса, атир сепишдан, шунингдек, қарама-қарши жинс вакиллари билан ёлғиз қолишдан ва жуда майин овоздан сақланса. Бу Қуръони каримнинг қуйидаги оятига асосланади: „ Агар тақво қилсангиз, майин сўз қилманг, яна қалбида касали бор бўлган тамаъ қилиб юрмасин“ (Аҳзоб, 32).
Валлоҳи аълам.

Манба