Мақолалар

Муслима кўплаб одамларнинг ҳаётини сақлаб қолишга ёрдам берадиган қурилма ихтиро қилди

• 

Подробности

Бўлим: Хабарлар

Чиққан санаси: 06 Февраль 2022

(Нашр қилинган санаси)

Мусулмон муҳандис Марям Нур Орхус университети касалхонаси (Дания) кардиологлари билан ҳамкорликда ногерметик юрак клапанларини тортиб туриши мумкин бўлган узук ишлаб чиқди

Ногерметик юрак клапани ёки, аорта етишмовчилиги - бу чап қоринча ва асосий артерия орасидаги клапан тўлиқ ёпилмайдиган ҳолат. Касаллик турли даражадаги оғирликларда учрайди ва бошқа нарсалар қатори туғма нуқсонлар ёки кальцинатлар туфайли келиб чиқиши мумкин.
Клапан ногерметик бўлганда қоннинг бир қисми юракка қайтади ва у қонни ҳайдаш учун зўриқиб илашга мажбур бўлади. Энг ёмон ҳолатда бу юрак етишмовчилигига олиб келиши мумкин, шу саабли бу ҳолатни даволаш керак. Шифокорлар касал юрак клапанини тиклаш ёки сунъий юрак клапни қўйиш йўли билан бу ишни қилишлари мумкин.
Иккала жарроҳлик ечими ҳам асоратлар хавфи билан боғлиқ, шунинг учун Орхус университети муҳандислари бир неча йил давомида юрак-қон томир касалликлари билан оғриган беморлар учун янги жарроҳлик технологиясини ишлаб чиқиш устида ишламоқдалар.
Орхус университети электр ва компьютер технологиялари кафедраси ва Орхус университети касалхонасининг юрак-қон томир жарроҳлиги ва ўпка жарроҳлиги кафедраси докторанти (стажер тадқиқотчи) Марям Нур қоннинг қайтишига тўсқинлик қилувчи узукни ишлаб чиқди. Докторлик лойиҳаси доирасида Марям Нур муҳандис сифатида юрак клапанларини ёпадиган ва шу билан келажакда юрак беморларини жарроҳлик йўли билан даволашга таъсир қилиши мумкин бўлган узукни ишлаб чиқди.