Мақолалар

Бепуштлик – тушкунликка сабаб эмас

• 

Подробности

Бўлим: Саломатлик

Чиққан санаси: 02 Август 2014

(Нашр қилинган санаси)

Сизга “бепуштлик” ташхиси қўйилдими?  Тушкунликка тушманг ва ваҳимага ўрин йўқ, чунки ҳаёт бу билан тугаётгани йўқ. Биринчи навбатда, “Алҳамдулиллаҳ” деб айтиш керак, шу билан Аллоҳ Tаъолонинг тақдирига розилик билдирган бўласиз. Сўнг эса, даво йўлларини излаш керак, чунки Аллоҳ Tаъоло ҳар бир дардга қўшиб шифосини ҳам яратиб қўйган.

Нима қилиш керак?

1. Ҳаётда мақсад тўғри қўйилганми? Шунга қараш керак. Шубҳасиз, фарзандлар жаннат райҳонларидир. Бироқ, фарзанд туғилиши ҳаётингиздаги энг асосий нарсага айланмаслиги керак. Зеро, Аллоҳ Tаъоло бизни Ўзигагина ибодат қилиши учун яратгандир. Биз Аллоҳ розилигини топишимиз учун ҳаракат қилишимиз керак. Фарзандлар эса, агар биз уларни солиҳ қилиб тарбия қиладиган бўлсак, Аллоҳ розилигини топиш воситаларидан бири хoлос. 

2. Тавба қилиш. Бепуштлик келиб чиқишининг сабабларидан бири – гуноҳлар учун синов бўлиши ҳам мумкин. Аллоҳ – Раҳимдир, ҳадиси шарифда айтилишича, “Аллоҳ бандасига яхшиликни ирода қилса, унга бу дунёнинг ўзидаёқ жазо беради” (Термизий ривоят қилган ҳадис маъноси). Муслим киши қилган ишлари учун тавба қилиб, бошига тушган синовга чиройли сабр қилиши керак бўлади. Чиндан ҳам, жаҳаннамда азобланиш ўрнига бу дунёда жазо олган яхши эмасми, ахир.

3. Дуо қилиш. Қуръони Kаримда Аллоҳ Tаъоло айтади: «Менга дуо қилинг, сизга ижобат қилурман» (“Ғофир” сураси, 60-оят). Закариё алайҳиссалом қилган дуони ўқисангиз ҳам бўлади. “Ва Закариёни эсла. Ўшанда у Роббига нидо қилиб: «Эй Роббим, мени ёлғиз ташлаб қўйма, Сен, Ўзинг ворисларнинг энг яхшисисан», деган эди”. (“Анбиё сураси”, 89- оят). Закариё алайҳиссаломнинг узоқ вақт фарзанди бўлмаган, сўнг унга Аллоҳ Tаъоло Яҳъё алайҳиссаломни ҳадя қилди.

4. Садақа бериш. Ҳақиқатдан ҳам бунда касаллик учун шифо бор. Пайғамбаримиз сoллаллоҳу алайҳи ва саллaм: “Касалларингизни садақа билан даволанглар”, деб айтганлар. (Абу Довуд)

5. Пайғамбаримиз сoллаллоҳу алайҳи ва саллaм суннатларига мувофиқ даволаниш. Даволанишнинг энг кўп тарқалган турларидан бири руқия саналади. Яъни Қуръон билан ўзига дам солиш. Ҳижома ҳам қилиш керак (қон олдириш). Пайғамбаримиз сoллаллoҳу алайҳи ва саллам: “Сизлар қила оладиган даво муолажаларининг энг яхшиси – бу ҳижома (қон олдириш)дир”, деганлар. (Бухoрий ва Муслим ривояти).

6.  Аллоҳнинг раҳматидан ноумид бўлманг. «Ҳақиқатда Аллоҳнинг раҳматидан фақат кофир қавмларгина ноумид бўлурлар». (“Юсуф” сураси, 87-оят).

Xадича Шихвердиева
Абу Муслим таржимаси