Яна олифталик ҳақида

• 

Подробности

Бўлим: Урф-одат

Чиққан санаси: 14 Август 2013

(Нашр қилинган санаси)

Баъзи хонимлар бордирки, юзларини упа деган нарса бирла оқартирар, турли бўёқлар бирла қошларини, лабларини бўяйдилар. Сочларининг табиий туслари устига ҳамма олиқталикни мода бўлсин дея турли бўёқлар ила бўямоқ табиийликдан ташқари бўлгани учун жуда кулгулидир. Юзларини упа ила безамакчи бўлуб териларини бузган ва нимадан ясалгани маълум бўлмаган бир тоқим зарарли сувлар бирла юзларининг гўзал тусини ўзгартган хонимларга қайғуришдан одам ўзини тута олмас. Чунки бундайларнинг юзлари ҳам жуда тез бузиладилар, тиришадир ҳамда аввалги гўзалликлар йўқоладилар. Упа, сурма ва шунга ўхшаган нарсалар хонумларни зийнатлаш ўрнига ўрнига ифлос қиладилар. Гўзалликларнинг энг гўзали содда, табиий гўзалликдир.
Чуқур ўйлаб кўрганда бир қизнинг, бир хотуннинг яхшилиги, гўзаллиги ахлоқидадир. Юзда бўлган гўзалликлар битажак нарсалардир. ғошларнинг, сочларнинг ва юзнинг бўёқлар бирла табиий ҳолини бузганларнинг муддатдан олдин қартайиб, бузилажаклари аниқ маълум бўлган бир ишдир. Мўрчадан чиққандан сўнг юзга энг яхши пудрадан бироз суртмак яхшидир. Шундан бошқа нарсаларнинг ҳеч бири керак эмасдир. Бемаъни, кераксиз ва маъқул бўлмаган одатларга эргашиб, гўзал юзларини сирғанчиққа айлантирмак, гўзал бўламан, чиройли кўринаман деб келишмага, хунук бўлмак на ақлга, на олифталикка тўғри келмайдир. Хонимлар узун зийнату олифтачилик иффату табиийликдан ташқарига чиқмаслик даражада бўлуви маслаҳат кўриладир.

Фахрул Банот Сибғатуллоҳ қизи
“Оила сабоқлари”