Келинсалом инсонга сажда қилиш эмасми?

• 

Подробности

Бўлим: Фатволар

Чиққан санаси: 16 Июнь 2013

(Нашр қилинган санаси)

 

 

 

Халқимизда яхши бир урф-одат бор. Унга кўра, хонадонга келган янги келин эрта саҳарда туриб уйнинг катталарига ва қариндош-уруғларга, янги оила аъзоларининг барчасига салом қилади. Яъни, бунда инсонга таъзим ҳолатини бажаради. Савол шундайки, келинсалом маросими инсонга сажда қилиш бўлиб қолмайдими?

ЖАВОБ: Бисмиллаҳир Роҳманир Роҳийм
Ислом динида Аллоҳдан бошқага сажда қилиш йўқ, мутлақо мумкин эмас, ҳаром. Лекин, биздаги келинсаломларни «сажда» дейиш тўғрисида мулоҳазалар бор.
Сажда билан келинсалом орасида фарқ борлигини кўпчилик айтади. «Салом» ўз номи билан турибди бу ерда, «сажда» дейилмаяпти, иккинчидан, ният ҳам сажда қилиш эмас. Ўша келин эгилиб, салом бераётган одамлар ўзларини Худо ўрнида кўрмайдилар. Келинда ҳам, унинг ёнида турганларда ҳам келиннинг сажда учун эгилаётгани нияти йўқлиги аён.
Хулоса қилиб айтадиган бўлсак, бу ерда гап ниятга боғлиқ ва, албатта, ўша амал ҳам бутга, санамга сажда қилувчиларнинг амалларига ўхшаб қолмаслиги керак. Бу нарсани яхши тушуниб олинса, ҳар хил нотўғри тушунчаларга бормасдан тўғри йўлда турилса, иншааллоҳ, яхши бўлади. Валлоҳу аълам.