Бахтли бўлишнинг ўттизта сабаби

Янги мақолалар

Сайт бўлимлари

Зинонинг таснифи ва таърифи

Подробности: Бўлим: Жинсий тарбия; Чиққан санаси: 31 Март 2013; (Нашр қилинган санаси)

Оғир гуноҳи кабира ҳисобланувчи зинони кўпчилик номаҳрам эркак ва аёлнинг жинсий алоқаси сифатида тушинади. Бу тушунча бўйича зинокор аъзолар вазифасини фақат фарж, яъни генитал органлар бажаради. Аммо чуқурроқ мушоҳада қилиб кўргудек бўлсак, зинони амалга оширишда нафақат жинсий балки бошқа аъзолар ҳам иштирок этишини англаш мумкин. Ушбу нуқтаи назардан зинонинг қуйидаги турлари тафовут қилинар экан:

1. Назар зиноси -- ишвакор, ҳарисманд, шаҳват ҳисси билан кўз (назар) ташлашларда ўз ифодасини топади. Зотан, ҳақиқий эр кишининг номаҳрам, бегона аёлга кўз тикиши номардлик ифодаси, гуноҳ ҳисобланган. Ҳозирги кунда ҳаром — фаҳш йўллар билан бойлик орттириш илинжида бўлган кимсалар бу йўлда ойнаи жаҳон ва барча матбуот воситаларидан кенг фойдаланишаётганлиги аянчли ҳолдир. Зеро, зино кўзлардан бошланиб, бошқа аъзоларнинг қўшилиши билан кучайиши барчамизга аён.

2. Эшитув зиноси — беҳаё суҳбатларга кулоқ тутиш билан ифодаланади. Астағфируллоҳ, ҳозир ибрат қилиб кўрсатилаётган ғарб мамлакатларида "телефон орқали жинсий мулоқот" хизматлари кенг кўламда фаолият кўрсатаётганлиги бунга яққол мисол бўла олади. Демак, балоғат ёшидаги фарзандларимизни телефон гўшагига боғлаб қўювчи зарарли омиллар ҳам борлигидан огоҳ бўлишимиз жоиз.

3. Ифорли зино — кўпроқ аёлларга хос иллат бўлиб, ўткир ҳидли атир-упалар ёрдамида, муаттар ифор таратиб, нотаниш эркакларни ўзига жалб этиш билан ифодаланади. Зеро, Пайғамбаримиз Муҳаммад (с.а.в.): "Давра ёнидан ўтиб бораётган аёл (сепган атир)нинг ҳиди давра аҳлига етиб борар экан, у аёл зония (зино қилувчи)дир", — деганлар. Афсуски, айрим аёллар "кўча хандон — уй зиндон" услубига ўтиб олганлар. "Пардоз, ясан-тусан кўча учун, бадбўй тер ҳидлари, беўхшов либослар уйга ярашади", - дея ўзларидан эрларини мутлоқ зада қилиб қўяётирлар. Натижада, оилаларда ажралиш, жанжал, хиёнат кўпайгандан кўпайиб бормоқда.

4. Тактил зино - купроқ эркакга хос блиб, аёлнинг билагидан тутиш, тиқилинчларда баданидиги иссиқликни ўз танига ўтаётганлигини сезиш кабиларда ўз ифодасинини топади. Бу хол табобатда "петтинг" дея аталиб, айниқса, ўсмир-ёшларда кўп учраши кузатилади. петтинг ҳолати тиқилинч жойларда, транспортда, дискотекаларда ёшларнинг бир-бирига тирғалиб суйкалишлари ва хатто инзол сезишларида кўзга ташланади. Қолаверса зўравонлик билан бошқа жинс вакилини бағрига олиш эзғилаш кабилар ҳам кабилар ҳам тактил зино кўринишларидандир.

5. Забонии зино— изҳори дил учун яратилган аъзо ёрдамида беҳаё сўзлар сўзлаш, аёлларнинг турли луқмалар, қочириқлар қилишда ўз ифодасини топади. Номаҳрам аёлнинг "бошини айлантииш" хам забоний зино турларидандир. Афсуски, гўзал лутфлар учун яратилган аъзо — тилни ғарбга тақлидомуз тарзда жирканч вазифалар ("орал" жинсий алоқа) учун қўллаётганларга Аллоҳнинг бешак жазоси мавжуд.

6. Фаржли зино — жинсий аъзолар иштирокида амалга ошириладиган алоқада ўз ифодасини топади. Гоҳо бу зино турларининг барчаси ношаръий жинсий муносабатнинг босқичлари тарзида ҳам учраши кузатилади. Аниқроғи, зинокор бир пайтнинг ўзида кўз, қулоқ, бурун, тил ва тактил сезувчанлик, ҳамда генитал аъзолардан фойдаланади. Аммо, номаҳрам аёлга ҳарисманд назар солиш, қочириқ гап қилиш, ифоридан сармаст бўлиш ёки билагидан тутишнинг ўзи ҳам тўлиқ жинсий алоқа билан тугалланмаган бўлса-да, зинога менгзалади. Демак, ҳақиқий мўмин-мусулмонда вафо, садоқат каби ҳисларнинг мазмуни бошқа кишилардагига нисбатан анча теранроқдир. Зеро, Пайғамбаримиз Муҳаммад (с.а.в.) таъкидлаганларвдек: "Хиёнаткорлар биздан (мўмин) эмасдирлар".

"Зино исканжасида" китобидан

Оилавий ҳаётда жинсий муносабатлар

Подробности: Бўлим: Жинсий тарбия; Чиққан санаси: 02 Апрель 2013; (Нашр қилинган санаси)

Ҳозирда ярим-яланғоч кийинишлар, ахлоқсизликлар кучаймокда. Булар эркакларга салбий таъсир кўрсатади. Шунинг натижаси ўлароқ ажрашишлар, жанжаллар, бир-бирини алдаш кучайиб бормоқда.

Оила ўзаро фидойилликка асосланади. Эр-хотиннинг бир-бирининг эҳтиёжини қондириши ўзаро муҳаббатининг ифодасидир. Энг асосий эҳтиёж жинсий эҳтиёждир. Эр-хотиннинг жинсий эҳтиёжи бир хил бўлмаслиги мумкин. Соғлом муносабат қурилган оилада эр-хотин бир-бирининг эҳтиёжини ортиқча деб билмайди, бу эҳтиёжнинг қондирилиши учун астойдил ҳаракат қилади.

Жинсий ҳаёт икки томонга боғлиқ бўлганлиги учун баъзида эр ёки хотин касаллиги, асабийлашиб турганлиги, чарчаганлигини важ қилиб таклифни рад этиши мумкин. Аммо бахтли, аҳил оилаларда эр-хотин доимо кўнгилли, бир-бирининг жинсий эҳтиёжини қондиришга тайёр, бунинг учун қўлидан келганини қилади, қилиши лозим. Дунё яралганидан буён аёлларнинг эркакларга энг кучли таъсир йўли тўшак орқали ўтиши маълумдир. Ҳозирда эркакларнинг энг кучли эҳтиёжи жинсий эҳтиёждир, рафиқаси томонидан рад этилиш туфайли дунё кўларига қоронғу кўриниши мумкин. Жинсий алоқа эркакни тинчлантиради, унга ишонч бағишлайди, турмуш ўртоғининг меҳрини ҳис этдиради. Эркаклар туйғуларини сўз билан тўла ифода эта олмаганликлари учун севгиларини жинсий йўл билан кўрсатишни истайдилар. Аёл жинсий муносабатга эрини назорат қилиш учунгина киришса эркак ўзини камситилган ҳис қилади, хижолат тортади. “Ҳақиқий эркак бўлганимда хотиним мени хоҳлаган бўларди” деган фикрга боради. Аёл жинсий муносабатлардан турмушдаги муаммоларни ҳал қилишда усталик билан фойдаланиши мумкин.

Жинсий ҳаёт эркак учун оиладаги энг муҳим жиҳатдир. Аёл ҳам шундай деб ҳисобласа оила мустаҳкам бўлади. Бу масалада қарама-карши фикрларга асло ўрин йўқ. Эр-хотин бир-бирининг эҳтиёжини қондирганида мукофотини олади. Бир-бирига муҳаббатли эр-хотин учун жинсий ҳаёт инсоннинг қувнок, бахтиёр, жисмонан соғлом бўлиши учун зарур бўлган жараёндир.

Эрни жисмоний ҳаётдан маҳрум қилиш Оллох таолонинг оилали эр-хотинларга қўйган қоидаларини бузиш демакдир. Баъзи аёллар эрининг таклифини турли баҳоналар билан рад этадилар. Ўзларини касал, кайфиятсиз, чарчаган кўрсатиб, уйдаги болалар ёки катталарни важ қилиб “Ҳозир мавриди эмас” дейдилар. Аммо булар ёлғонлиги дарров англашилади. Оила бундай омонат муносабатлар асосида қурилса кўпга бормайди. Эр-хотин бир-биридан узоқлашиб, уйида йўқ нарсаларни ташқаридан излай бошлайдилар. Шу тариқа оила барбод бўлади.

Такрор айтаман, жинсий муносабат аёлга эрига бўлган муҳаббати, у билан бирга эканлигидан мамнунлигини ифода этиш имкониятидир. Эрнинг таклифини рад этиш унинг шахсиятига тегади.

Ниёзибейнинг шикояти шу масалада эди: “Икки ҳафтадан бери бирга бўлолганимиз йўқ. Хотиним боши оғриётганини айтиб таклифимни рад қилади. Ақлдан озай дедим. Баъзи эркаклар ўйлаб ҳам ўтирмай хиёнат йўлига кирадилар. Мен имонли одамман, бундай қила олмайман. Юриб-юриб қувватимни сарфлайман. Хотиним менга илиқ муносабатда бўлганида эди ҳаётимиз яхши давом этаётган бўлар эди”.
Ўтказилган тадкиқотлар Ниёзбейнинг гаплари тўғри эканлигини тасдиқлайди. Ҳаётдан мамнун эркакларнинг -деярли барчаси рафиқаси билан кўнгилли жинсий ҳаёт кечиришларини таъкидлаганлар.
Сония хоним ҳам шундай аёллардан бири. “Эримнинг таклифини рад этганимни эслолмайман, - дейди у, - ўттиз йилдан буён аҳил яшаймиз. Менинг фикримча, кўнгилдагидек жинсий ҳаёт таъминланмас экан, оилангиз мустаҳкам бўлмайди. Мазали таомлар тайёрлашингиз, саранжом-саришта бўлишингиз, хизмат жойингизда муваффақиятларга эриши-шингиз мумкин, аммо ҳароратли муҳаббатингиз бўлмаса ҳеч кимни бахтли ҳам қила олмайсиз, ўзингиз ҳам бахтли бўлолмайсиз.

ЖИНСИЙ ҲАЁТ БЎЛИШИ ШАРТ

Инсон танаси жинсий жиҳатдан роҳат килишга мойилдир. Аёл киши оргазмни ҳис қилмасдан ҳам қониқиши мумкин. Аммо эркаклар ундай эмас. Аёл киши учун мулоқот, ўзаро суҳбат, романтиклик севгини ифода этиш усуллари бўлса, жинсий эҳтиёж эркак учун ишқ ва эҳтиросни бир-бирига боғлаш имконидир.

ШИФОКОРИНГИЗ МАСЛАҲАТ БЕРАДИ

Бир неча йил олдин нашр этилган “Шифокорингиз маслаҳат беради” номли китобимда жинсий алоқа тўғрисида алоҳида боб бор эди. Ҳурматли ёзувчимиз Исмоил Ҳоким ўғли бот-бот учрайдиган бу дард тўғрисида шундай савол-жавобни қўшган эди.

Савол: 30 ёшдаман. Уйланганман, лекин бўйдоқлардек яшайман. Хотиним шунга мажбур қиляпти. Қандай йўл тугай?
Жавоб: Исломда тўрттагача уйланишга рухсат берилган... Сизга ўхшаш эркаклар қийналиб қолмаслиги учун шундай чоралар тавсия қилинган.
Ҳозир битта хотин билан яшаш одат. Хотин эридан ранжидими, эр бўйдоқлардек яшашга маҳкум.
Диндор бўлмаган эркаклар эҳтиёжларини турли жойларда қондирадилар. Диндор эр эса сиқилади, ё хотинини дўппослашга тушади, ё ажрашиш ҳаракатига. Кўпчилик аёллар оилавий келишмовчиликларнинг сабаби жинсий ҳаётдан қониқмаслик эканлигини билмайдилар. Чунки аёлга таъсир кўрсатилмаса ўз-ўзидан хоҳлайвермайди. Эркакда эса вақт-вақти билан шундай истак пайдо бўлади. Бу истак шунчалар кучли-ки, эҳтиёжини уйда кондириш имкони бўлмаса, нажотни ташқаридан излайди. Оқила аёл эркакнинг жинсий ҳаётини изга солади, уни қониқтириш билан ўзгалардан умидвор бўлишга йўл қўймайди. Ҳаром ҳаракатлардан сақланиш зарур. Эркак учун жинсий ҳаёт саломатлик, жасорат, матонат манбаи эканлигини унутмаслик, сабр билан иш кўриш лозим.
Жуфтингизни тўғри тушуниб, унга ва ўзингизга ёрдам беринг. Акс ҳолда окибати яхши бўмайди.

Экрандаги ғунажин

Подробности: Бўлим: Жинсий тарбия; Чиққан санаси: 04 Апрель 2013; (Нашр қилинган санаси)

ЭҲТИРОСНИНГ ИСЁНИ ёхуд “таъқиқланган ширин мева”нинг аччиқ касофатлари

2012 йил 14 декабр. АҚШ, Ньютаун
Маҳаллий вақт билан соат 9.30. New York Times маълумотларига кўра, 911 хизматига биринчи қўнғироқ бўлди. АҚШнинг Коннектикут штатидаги Сэнди Хук бошланғич мактабида 20 ёшли Адам Ланза қонли отишмани содир этди. Оқибатда 26 киши ҳалок бўлди, уларнинг 20 нафари ёш болалар. Ҳалок бўлганларнинг орасида жиноятчининг онаси - Нэнси Ланза ҳам бор эди. У шу мактабда тарбиячи бўлиб ишларди.
27 минг аҳоли яшайдиган Ньютаун шаҳарчасида рўй берган отишма шу қадар даҳшатли эдики, ёрдамга келганларнинг ўзларига ҳам тиббий ва руҳий ёрдам кўрсатишга тўғри келди. Отишмага соат 10.30 га бориб барҳам берилган. Бу сўнгги йилларда Коннектикутда рўй берган иккинчи воқеа эди...

Орадан бир ой ўтди: Мактабда яна икки отишма
2013 йил, январ. АҚШ. Дастлаб Миссури штатидаги Сент-Луис шаҳрида номаълум шахс бизнес-мактабга қарата ўқ узган. Бир кишини яралаган жиноятчи, кейин ўз жонига қасд қилмоқчи бўлиб, кўкрак қисмига ўт очган. Ҳар иккаласи оғир аҳволда касалхонага олиб кетилди. Орадан бир неча соат ўтиб, Кетукки штатидаги Хазард шаҳрида жойлашган коллеж автомобиль тўхташ жойида икки киши отишма қурбони бўлган, яна бири жароҳатланган. Полиция икки нафар гумондор шасхни қўлга олган.
Ана шундай мудҳиш воқеалар рўй бераётган дамларда Нью-Йорк губернатори қурол сақлаш ва сотиш назоратини кучайтиришга қаратилган қонунни имзолади...

ИХТИРО
Альфред Нобель динамитни ихтиро қилганида тоғ кончилари меҳнатини енгиллаштиришни ният қилган бўлса-да, бу янгилик бир кун келиб инсониятга мусибатлар келтиришини хаёлидан ҳам ўтказмаганди... Ядровий реакцияларнинг мислсиз куч-қудратини кашф этган олимлар ҳам ушбу ихтиро асосида яратилган қуроллар инсониятга фақат кулфат олиб келишини тасаввур этмаган бўлса керак.

УЧ РАҚАМ
Бугунги кунда дунё аҳолисининг 18 фоизини ёшлар ташкил этади. Уларнинг 85 фоизи ривожланаётган мамлакатлар ҳиссасига тўғри келади.
Гарвард университетининг тиббиёт факультетида олиб борилган тадқиқотларга кўра, бола ўн саккиз ёшга етгунча телетасвирда 180 000 марта зўравонлик саҳнасини томоша қилади...

НАФСНИНГ ТУҒИЛИШИ
Одам алайҳиссалом айтилган вазифани бажармай иродавий хатога йўл қўйдилар. Нафсни уйғотган шайтон васвасаси Одам Ато ва Момо Ҳавонинг жаннатдан Ерга туширилишларига сабаб бўлди. Одам алайҳиссаломнинг катта ўғиллари Қобил ўз укаси Ҳобилни ўлдирди. «Нафси уни биродарини ўлдиришни яхши кўрсатди. Бас, уни ўлдирди. Шу сабабдан зиёнкорлардан бўлди» (Моида сурасидан)
Бу фоний дунёдаги дастлабки қотиллик акадаги нафс ғолиб келган дамда содир этилди. (islom.uz сайтидан)

«Сайёднинг балиққа қармоқ ташлаши – нафс муддаоси учун, балиқнинг қармоққа илинмоғи ҳам худди шу бало учун.” (Ҳазрат Навоий)

ИНҚИРОЗ
БМТ маълумотларига кўра, 2011 йилда 75 миллион нафарга яқин ёш йигит-қиз ўз иш жойидан айрилган, 900 миллион нафар ёш эса тўйиб овқат емаган, 100 миллиондан ортиқ ўсмир мактабга қатнаш имкониятидан маҳрум. Энг даҳшатлиси, йилнинг ҳар кунида ҳали балоғат ёшига етмаганларнинг 2000 нафардан зиёди ВИЧ вирусини юқтирган. Айрим мамлакатларда эрта никоҳдан ўтиш ҳолатларининг ортиб бораётгани аёллар ва болалар ўлимининг кўпайишига олиб келди. Шунингдек, ҳар йили ер юзида 10 миллион нафар қиз 18 ёшга тўлмай турмушга узатилаётган бўлса, 16 миллион нафар ўсмир қиз оналар қаторига қўшилмоқда.

ҚОТИЛЛАР ОНАДАН ҚОТИЛ БЎЛИБ ТУҒИЛМАЙДИ
Гапнинг индаллосига ўтсак. Бугун битта хонада ўтириб, бир неча дақиқада бутун дунё бўйлаб истаганча ахборот тарқатиш, давлатлараро чегараларни бартараф қилиб, визаларни кераксиз матоҳга айлантириш ва дунёнинг исталган нуқтасидаги исталган киши билан алоқа ўрнатиш мумкин. Аммо ижтимоий ҳаётимизга кириб келадиган ҳар бир ижобий нарса ўз ортидан бир қатор салбий оқибатларни етаклаб келиши ҳам бор гап.
Масалан, дунёни ўргимчак тўридек ўраб олган биргина интернет тармоғида турли хилдаги бузғунчи, террорчилик, порнографик сайтларнинг ҳам борлиги кўпчиликка аён. Тадқиқотларга кўра, дунёда интернет фойдаланувчилари кўпайгани сайин руҳий оғиш ҳолати аниқ кузатилаётган ёки шунга алоқаси бўлган қаттиқ мойиллик асосидаги касалликлар билан шифокорга мурожаат қилаётганлар сони ортиб бормоқда. Асосан, қотиллар ва зўравонликка мойил кимсалар ҳам шулар орасидан чиқиши ҳақидаги фикрлар олға сурилмоқда.

«Энг янги компьютер ўз тезлиги билан инсоний муносабатларга тақлид қилиши мумкин холос, бироқ коммуникатор охир-оқибат яна ўша эски муаммога: нимани гапириш ва қандай гапириш муаммосига дуч келади» (Эдуард Мюрроу).

БОЛТАНИНГ СОПИ КИМДА?
Адибларимиздан бири “Болта ҳунарманднинг қўлида санъат қуроли, ўтинчининг қўлида меҳнат қуроли, жаллоднинг қўлида ўлим қуроли” деганди.
Статистикага кўра, глобал тармоқдаги маълумотларнинг атиги ўн фоизигина ҳаққоний, холис маълумотлар ҳисобланиб, қолган 90 фоизи маънавий таҳдидларга хизмат қиладиган, одамларни йўлдан оздирадиган, айтиш жоиз бўлса, чиркин маълумотлардир. Ачинарлиси, ҳар куни кимдир бу ердаги ёлғонларга туртиляпти, қоқиляпти ва бундай оғриқли муаммолар ўзимизда ҳам тез-тез қулоққа чалиняпти.

ПОРНОГРАФИЯ НИМА?
Остготу вестготларнинг ойболталари ёхуд ҳуннларнинг узун камон ўқлари ва бошқа ваҳший(варвар)ларнинг ҳамлалари тиз чўктира олмаган, аммо бузуқлик туфайли тобора таназзулга юз тутиб бораётган Римда Цезарь Тибериус ўз нафсини қондириш учун Миср папирусларига чизилган шаҳвоний расмларни сотиб оларди. Бу порнографиянинг дастлабки маҳсуллари эди. Бугун эса барчаси ўзгарган...
“Интернетдаги савдогарлар фаҳшдан катта даромад олишмоқда, шу орада катталар ва ёшлар порно қарамликка мубтало бўлишмоқда, бу эса ичкилик ёки қимордан кам бўлмаган хавфдир” (Жен Лару, Оила тадқиқоти кенгашининг (Family Research Council FRC) ҳуқуқий масалалар бўйича бош директори).

ТИББИЙ ХУЛОСА
Кўп ҳолларда эркаклар чалинадиган порнография балоси бугун эпидемия даражасига келди. Аммо, шундай бўлсада, негадир кўпинча бу муаммо ҳақида сукут сақланади. Замонавий неврология миянинг ўта таъсирчан жисм эканини исботлаган. Турли саҳналарни кўриш оқибатида одам алданиш (иллюзия) ҳиссини ҳосил қилади. Нормал руҳий соғлом одамда бу очиқ саҳналар фақат жирканишдан бошқа ҳиссиётни уйғотмайди.
Британиялик шифокорлар кўп йиллик тадқиқотлар натижасида, эркакларнинг порнографик фильмларни кўп кўриши, жинсий қувватида (потенция) муаммолар келтириб чиқишини аниқладилар. Шунингдек, 25 ёшдан 45 ёшгача бўлган бир неча минг кўнгиллилар иштирок этган тадқиқотда эротик фильмларни кўрадиган эркакларда простата касалига мубтало бўлиш эҳтимоли бошқаларга қараганда икки баробарга ошиши аниқланган.

ДИҚҚАТ!
БМТ маълумотларига кўра, ҳозирда Интернет тармоғида болалар порнографиясини тарғиб қилаётган сайтларнинг сони 4 миллиондан ортиқ. Ким учундир эрмак, ким учундир даромадли бизнесга айланган бу жиноят, афсуски, бизнинг юртимизга ҳам кириб келмоқда. Хоҳлаган одам уйида ёки интернет-кафеда ўтириб, бундай сайтларни истаганча томоша қилиши, "завқ" олиши мумкин. Аммо...

ҲАЛОКАТ
Тадқиқотларга кўра, порнография беозор вақт ўтказиш воситаси эмас. Психологларнинг айтишича, уятсиз расм ва киноларни кўриш ҳатто катталарнинг ҳам фикрлаши ва идрокини ўзгартириб юборади. Ҳали шаклланиб улгурмаган бола дунёқарашида эса порно ҳақиқий тўнтариш ясайди. У вояга етиши, оила қуриши ва келажак ҳақида қайғуриши керак. Тўғри, масаланинг бу тарзда олиб чиқилиши айримлар учун эриш туюлар. Лекин биламизки, бир учқундан пайдо бўлган ёнғиннинг фожиаси қандай аянчли. Кичик бир тешикча туфайли катта кема ғарқ бўлиши мумкин. Йўғон қозиқ учи ёки игна ҳам кўзни кўр қилгани каби ёмон бўлган кичик бир зарра кишида тўпланиб, бора-бора уни ҳалок қилиши муқаррар.
“Ҳозирги вақтда ахлоқсизликни маданият деб билиш ва аксинча, асл маънавий қадриятларни менсимасдан, эскилик сарқити деб қараш билан боғлиқ ҳолатлар бугунги тараққиётга, инсон ҳаёти, оила муқаддаслиги ва ёшлар тарбиясига катта хавф солмоқда ва кўпчилик бутун жаҳонда бамисоли бало-қазодек тарқалиб бораётган бундай хуружларга қарши курашиш нақадар муҳим эканини англаб етмоқда”. (Ислом Каримов «Юксак маънавият – енгилмас куч» асаридан)

“ТЕЗ ЁРДАМ”
Глобаллашув. Ўтган асрнинг 70-80 йилларида тор доирадаги адабиётларда пайдо бўлган бу атама бугун кишилар ўртасида оддий мулоқот мавзуига айланди. Истаймизми йўқми, бугун халқаро майдонда ўз ўрни, сўзига эга бўлган юртимиз ҳам бу жараёндан ташқарида эмас ва унинг қатор ижобий хусусиятлари ҳам борлигини инкор этиб бўлмайди, аммо...
“Оммавий маданият” деган ниқоб остида ахлоқий бузуқлик ва зўравонлик ғояларини тарқатаётган, халқларнинг неча минг асрлик маънавий негизларини қўпоришга қаратилган таҳдидлар соғлом одамни ташвишга солмай қўймайди. Бундай вазиятда ҳозирги куннинг ҳаёт тарзига айланган порносаноат ҳам кимларнингдек олдида беозордек кўринар. Айнан ўшаларга зудлик билан “тез ёрдам” чақириш зарур.
«Миллатлар ахлоқи билан миллат бўлади, ахлоқи кетса, миллат ҳам кетади» (Шоир Аҳмад Шавқий, Миср)

Сарвар САФАРОВ тайёрлади

“Уяли порнография”

Подробности: Бўлим: Жинсий тарбия; Чиққан санаси: 02 Апрель 2013; (Нашр қилинган санаси)

...Америка Қўшма Штатлари Федерал суди Хоултон шаҳрида яшовчи Жошуа Данстонни мобил телефонида порнографик фильм сақлагани учун айбдор деб топди. 27 ёшли бу шахс АҚШда порнографик фильмни ўз телефонига ёзиб олгани учун жазоланган биринчи фуқаро бўлди...

“УЯЛИ ПОРНОГРАФИЯ”

Бугунги кунда уяли телефон орқали шахсни бадном қилувчи беҳаё тасвирларнинг тарқалиб бораётгани ҳам дунё жамоатчилигини ташвишга солмоқда. Тадқиқотлар шахсни бадном қилувчи ёки жинсий эркинликка қаратилган ҳуқуқбузарликлар кўпинча телефон орқали содир этилаётганини кўрсатмоқда.
Маълумотларга қараганда, уяли телефон орқали порнографик фильмларни тайёрлаш ва тарқатиш энг тез ривожланаётган бизнес турига айланган. Мутахассисларнинг таъкидлашича, сўнгги йилларда уяли алоқа воситалари орқали порнографик маҳсулотлар тарқатиш ҳисобига дунё миқёсида ҳар йили 2 миллиард доллар атрофида даромад кўрилган.
Ҳозирда юртимизда ҳам уяли алоқа абонентлари сони салкам 15 миллионга етди. Бу яхши албатта. Бироқ замон, шароит уяли алоқа хизматидан фойдаланувчи ҳар бир кишининг мобил телефонидан фойдаланиш одоби, қонун-қоидасини билиши ва унга амал қилиши зарурлигини тақозо этмоқда. Тўғри, истаган киши қўл телефонидан эркин фойдаланиши мумкин, аммо бу бошқаларнинг шахсий дахлсизлигига тажовуз қилиш, дегани эмас.

ЖАЗО

Ўтган аср бошларидан халқаро миқёсда порнографик маҳсулотларга қарши кураш бўйича қонунлар кучга кира бошлаганди.
Жумладан: Хитойда порнографик маҳсулотларни нафақат Интернет, балки телефон орқали тайёрлаш ҳамда тарқатганлик учун умрбод қамоқ жазоси, Австралияда порнографик сайтлар аниқланса, уларнинг ҳар кунлик фаолияти учун 55 минг доллар жарима, Малайзия қонунларида эса, ҳаёсиз тасвирларни тарқатган шахсларга нисбатан 5 йиллик қамоқ жазоси ҳамда 13 минг доллар миқдорида жарима белгиланган. Арманистон, АҚШ, Беларусь, Германия, Грузия, Жанубий Корея, Озарбайжон, Россия, Туркманистон, Украина, Эстония, Япония давлатларининг қонунчилиги таҳлили ҳам шуни кўрсатадики, уларда порнографик маҳсулотлар муомаласи учун жуда қаттиқ жавобгарлик бор.
Шунга қарамай, айрим нопок кимсалар томонидан порнографик маҳсулотларни тайёрлаш ва тарқатиш ҳолларининг учраётгани ачинарлидир.

ДИНИМИЗДАН

Абу Ҳурайра розияллоҳу анҳудан ривоят қилинади:
«Набий соллаллоҳу алайҳи васаллам:
«Албатта, Аллоҳ Одам боласига унинг зинодан бўлган насибасини ёзгандир. Уни олмаслиги амри маҳолдир. Бас, икки кўзнинг зиноси назардир. Тилнинг зиноси нутқдир», дедилар».
Шундай мўминлар борки, буни била туриб, фаҳш ишлар тарқалишини яхши кўрадилар. Булар ҳақда Аллоҳ таоло Қуръони Каримда: “Албатта, иймон келтирганлар ичида фоҳиша тарқалишини яхши кўрадиганларга бу дунё-ю охиратда аламли азоб бордир. Аллоҳ билади, сизлар билмассизлар”, деб марҳамат қилган.

ЎЗБЕКИСТОНДА

1991 йилда қабул қилинган «Ёшларга оид давлат сиёсатининг асослари тўғрисида»ги Қонун юртимизда ёшлар масаласига мустақилликнинг илк кунлариданоқ алоҳида эътибор берилганидан далолатдир. Шунингдек, контрафакт маҳсулотларни олиб кириш ва чиқиш ҳамда мамлакатимиз ҳудудида тарқатилишига йўл қўймаслик учун етарли даражада қонунчилик асоси таъминланган. Бу соҳада қатор махсус давлат идоралари сергак ишламоқда. Халқаро ҳамкорлик тобора мустаҳкамланиб, ривож топмоқда.

Шунингдек, ўтган йилнинг апрел ойидан бошлаб кучга кирган яна бир Қонун Ўзбекистонда порнографик маҳсулотларни тайёрлаш, олиб кириш, тарқатиш, реклама ва намойиш қилиш учун курашни янада кучайтиришга қаратилган.
Унга кўра, порнография, зўравонлик ва шафқатсизликни тарғиб этувчи маҳсулотларни тарқатиш учун энг кам иш ҳақининг 400 дан 600 баробаригача жарима, аҳлоқ тузатиш ишлари, 6 ойлик ҳибсга олиш ёки 3 йилгача қамоқ жазоси белгиланиши мумкин.

ЭГАСИНИ ТАНИМАГАН ИТ

Тўғри, таъқиқ инсонда қизиқиш ҳиссини кучайтириши бор гап. Чунки тийиқсиз нафс шаҳватга мойил яратилган, у гуё порох каби тез ёниш хавфи бор моддага ўхшайди. Бу каби моддалар эса ўт-учқундан қанча узоқ бўлса, шунча тинч ва хатарсиз бўлади. Бугунги она сути оғзидан кетмаган “йигитча”лар турли йўллар билан мамлакатга четдан олиб келинаётган фаҳш тўла газет-журналлар, китоблар, филмлар ёзилган тасма ва дисклар билан «танишиб» қони жунбушга келади. Қони қайноқ Шарқ йигитларини ана шу бузуқ жозибалар исканжага олади.
«Нафс семирса, охир-оқибат эгасини йиқитади. Кишининг нафси овчи итга қиёс: агар у семириб кетса, эгасининг ҳақини ҳам танимайди. Ёки киши нафси ёш болага ҳам ўхшайди. Қорни тўйса бас, чопиб кетаверади. Сен эса унинг орқасидан излаб юрасан» («Қутадғу билиг»дан)

ВИРТУАЛ ХИЁНАТЛАР

Биргина интернетдаги ахлоқсизликлар сабабли кўп жуфтлар оилада нормал муносабат ўрната олмаслиги исботланган. Интернетга боғланиш имкони бор ҳар бир киши тилига истаганича эрк бериши, истаган нарсасига кўз югуртириши, истаганини ёзиши мумкин. Унинг устида на бир назоратчи, на бир ҳад-чегара олдида тўхтатиб қолгувчи бор.
Бугунги кунда роса урфга айланаётган интернет-танишувларнинг ҳам ижобий хусусиятларини рад этмаган ҳолда, айримлар учун унинг салбий оқибатларидан ҳам шунчаки кўз юмиб бўлмайди. Кимнингдир эри ёки хотини бегоналар билан ижтимоий тармоқлар, форумлар орқали танишиб, учрашиб юрганлиги туфайли туппа-тузук оилаларнинг бузилиб кетаётганлиги ҳақидаги ҳикояларни эшитяпмиз...

ҚЎҒИРЧОҚНИНГ КУНИ БИТДИМИ?!

Туйғулар оқади экрандан...
Кечишиб қўғирчоқ баҳридан
Бу ҳолни қизчалар кўради...
(Қўшиқдан)
Бугун телеканалларимизда “айланаётган” айрим клип, реклама ва сериалларнинг ҳам салбий оқибатлари хусусида кўп ва хўп гапирилди. Яна бир очиқ гапки, бўй етиб қолган қизларимизнинг ибо-ҳаёси, кийиниш маданияти-ю ўзларини тутиши тўғрисида ҳам фақат эринчоқ одамгина ёзмади ёки нимадир айтмади. Илгари кўп ўйинлар бўларди. Болаларимиз кўчадан бери келмасди. Қизалоқларимизнинг қўлида қўғирчоқ... Бугун-чи?! Улар биз билан теппа-тенг ўтириб, ёшига мос келса-келмаса, биз кўраётган “саҳна”ларни бемалол томоша қилишяпти. Болам нимани тушунарди, деб хотиржам ўтирамиз. Аммо, улар зимдан бир-бирига кўз уриштиришиб пиқир-пиқир кулишади. Афсус... бизнинг “аҳмоқлигимиз” устиданми ё ўзларининг ўта ақлли бўлиб кетаётганликларидан кулишяптими, билолмайсиз. Ёки энди ўйинлар, қўғирчоқларнинг бирор маъноси қолмаяптими?! Наҳотки сизга бу табиий ҳолдек кўринса...

БУЗУҚЛИК КАСОФАТИ

Европада миллионлаб аёллар оила қуриш, фарзанд туғиб-тарбиялаш деган тушунчаларни аллақачон унутган. Англия марказий статистика бюросининг маърузасига кўра, мамлакатдаги ҳар юз нафар чақалоқдан йигирма учтаси никоҳсиз, зинодан дунёга келган.
«Балоғатга етмаган 200 минг нафар қиз оталарининг ўз номусига тажовуз қилмоқчилигидан ҳимоя қилишни сўраб судларга мурожаат қилган» (Англиянинг «Гардиан» газетасидан)
Британияда оила қурганларнинг учдан бири тезда ажралади. Францияда ўтказилган сўровга кўра, ўқувчи қизларнинг 48 фоизи никоҳсиз туғишни айб санамайди. Тайланддай кичик мамлакатда бир миллион аёл фоҳишабозлик билан машғул. Қўйди-чиқдилар, ўз жонига қасд қилишлар, етим болалар сони бўйича ҳам «эркин дунё» ҳаммадан олдинда.
Россия Халқ рассоми Иля Глазунов: «Уларнинг бош ғояси барча халқларни миллий хусусиятларидан маҳрум этиш ва демократия террори орқали бир долларлик пулда ёзиб қўйилгани каби «абадий янги тартибларда» бутун дунёда ҳукмронликни ўрнатишдир» («АиФ», 2006 йил, 17-сон).

СЎНГГИ СЎЗ

Тўғри, “қўрққан олдин мушт кўтарар” деганларидек, жазавага тушиб, бақир-чақир қилиш ожизларнинг иши. Лекин, юқорида айтганларимизнинг ҳаммасини ҳам жимгина томоша қилиб бўлмаяпти-да. Ҳозир ҳеч бўлмаса, ортимиздан улғайиб келаётган болаларимизнинг тарбияси билан шуғулланиб, уларда ахборотни саралаш, кераксиз маълумотлар ва беҳаё фильмлардан ўз ихтиёри билан воз кеча олиш кўникмасини шакллантиришга жиддий эътибор беришимиз лозим. Чунки, фарзанд тарбияси ўзбек оиласида ҳамиша биринчи ўринга қўйиб келинган. Унутманг: у сизу-биздан ибрат олади.

Сарвар САФАРОВ тайёрлади

Порнографиянинг оилада қўлланилиши тўғрими?

Подробности: Бўлим: Жинсий тарбия; Чиққан санаси: 14 Апрель 2013; (Нашр қилинган санаси)

Ўтмишда порнография жуда катта бойваччаларга хос иллат эди. Улардан бошқа ҳеч кимнинг бунга моддий имкони йўқ эди. Масалан, Цезарь Тибериус ўз нафсини қондириш учун Миср папирусларига чизилган шаҳвоний расмларни сотиб олишига тўғри келар эди. Ёки ўзининг саройига шаҳвоний саҳналарни қўйиш учун шаҳвоний ўйинларга ўргатилган қиз ва йигитларини таклиф қилиши керак эди. Бугун эса барча нарса ўзгарган. Энди ҳар кимнинг ҳам порнографияга қўли етади. Ҳар қандай видеопрокатда “фақат катталар учун” махсус бўлимлар бор. Ёки тугмачани икки марта босиб интернетдан исталган шаҳвоний филмни томоша қилишингиз ҳам мумкин.