Мақолалар

Никоҳда гувоҳлик

• 

Подробности

Бўлим: Никоҳ одоби

Чиққан санаси: 31 Май 2024

(Нашр қилинган санаси)

Никоҳда гувоҳ шарт. Ислом кўрсатмаларига асосланган гувоҳлар бўлмасдан Аллоҳни, фаришталарни гувоҳ тутиб қилинган никоҳ саҳиҳ бўлмайди. Гувоҳсиз махфий никоҳ ёки битта гувоҳ билан қийилган никоҳ ўтмайди («Жавҳара»: 2/10; «Дуррарул ҳукком»: 1/332).

Гувоҳларда бўлиши лозим шартлар

1.    Мусулмон икки эркак (ёки 1 эркак, 2 аёл) бўлиши.
2.    Балоғатга етган, ақлли, озод бўлишлари.
3.    Кичик ёшда (яъни, сағир) ва уйқуда бўлмасликлари. Никоҳ бўлаётган чоғда «бағишладим», «қабул қилдим» сўзларини эшитишлари шарт. Керак бўлиб қолса, кўзи ожиз никохда гувоҳ бўлиши мумкин.
4.    Гувоҳлар никоҳ қийилаётган мажлисда иштирок этишлари шарт («Дурарул ҳукком»: 1/334; «Жавҳара»: 2/14; «Домод»: 1/216).

Никоҳда вакиллик

Жоиз. Вакил яхши-ёмонни ажратадиган бўлиши шарт. Ваколат бераётганида вакилнинг ёнида гувоҳ бўлиши шарт эмас, бўлса, яна яхши. Қиздан ёки куёвдан ваколат олган одам бошқа бировини вакил қилмайди «Дуррарул ҳукком» : 1/334; «Жавҳара»: 2/14; «Домод»: 1/216).

"Аёлларга хос энг зарур фиқҳий масалалар" китобидан